𝟏𝟏-𝐤𝐚 𝐪𝐨𝐝𝐨𝐛 𝐞𝐞 𝐮𝐠𝐮 𝐦𝐮𝐡𝐢𝐢𝐦𝐬𝐚𝐧 𝐁𝐮𝐮𝐠𝐠𝐚 𝐓𝐡𝐢𝐧𝐤 𝐚𝐧𝐝 𝐆𝐫𝐨𝐰 𝐑𝐢𝐜𝐡 𝐞𝐞 𝐍𝐚𝐩𝐨𝐥𝐞𝐨𝐧 𝐇𝐢𝐥𝐥

Buuggan wuxuu diiradda saaraya qodobada guusha horseeda, wuxuu dhiiri galinaya qorshayn iyo go’aan wanaagsan, iyo maskax u diyaarsan is baddal.

• 𝐘𝐞𝐞𝐥𝐨 𝐇𝐚𝐝𝐚𝐟 𝐅𝐚𝐝𝐡𝐢𝐲𝐚: Waa inaad yeelato damac, dareen iyo hiigsi ku gubaya oo aad ku hamiyayso inaad gaarto, gaar ahan inaad hanti samayso. Dareenkasi waa inuusan kaa damin.

• 𝐘𝐚𝐪𝐢𝐢𝐧: Abuuro wax aad rumaysan tahay oo la xiriira awooddaada, kuna gaarsiiya ujeeddo cayiman. Tani waa sawirashada guusha iyo inaad naftaada u diiddo inay qudheedu is quursato.

• 𝐈𝐬 𝐭𝐚𝐥𝐨 𝐬𝐢𝐢𝐧 𝐣𝐨𝐨𝐠𝐭𝐨 𝐚𝐡: Naftaada u sheekee, u xaqiiji awooddada, ku cel celi rajadaada, hadafkaaga ku xooji yaqiintaada iyo damacaaga.

• 𝐀𝐪𝐨𝐨𝐧 𝐊𝐡𝐚𝐚𝐬 𝐚𝐡: Baro ama kororso aqoon khaas ah oo qusaysa hadafkaaga joogtada ah. Aqoontu waa joogto waana in la dabaqo ee maahan hadal iyo tororog.

• 𝐌𝐚𝐥𝐚-𝐚𝐰𝐚𝐚𝐥: Diyaarso oo isticmaal farshaxanka mala awaalkaaga s iaad u suuraysato natiijada aad gaari doontid. Tani waa mashiinka maskaxda.

• 𝐐𝐨𝐫𝐬𝐡𝐚𝐲𝐧 𝐍𝐢𝐝𝐚𝐚𝐦𝐬𝐚𝐧: Abuur qorshe faah faahsan ahna mid waaqici ah oo aad ku gaarayso hadafkaagii uguna hawl gashid xataa haddii qorshaha mar kaa xumaado.

• 𝐆𝐨’𝐚𝐚𝐧: Samee go’aamo deg deg ah oo sugan, dabadeed ku taagnoow. Go’aan qaadasho-xumadu waa aasaaska guul darada.

• 𝐊𝐮 𝐚𝐝𝐤𝐚𝐲𝐬𝐚𝐬𝐡𝐨: Joogtee ka go’naasho aan marna hakad galayn gaar ahaan xilliyada caqabadaha, dib u dhaca, iyo fashilka kooban. Tani waxay muhiim u tahay rumaynta damaca is baddalka.

• 𝐀𝐰𝐨𝐨𝐝𝐝𝐚 𝐀𝐡𝐥𝐮 𝐂𝐚𝐪𝐥𝐢𝐠𝐚: La saaxiib, agtaadana yaan laga waayin dadka caqliga iyo xikmadda leh, kuwaasoo kula wadaaga hiigsi ama xirfaddada oo kale leh. Ahlu Caqligu wuxu isku dubba ridaa aqoonta iyo dadaalka.

• 𝐇𝐚𝐛 𝐟𝐚𝐤𝐚𝐫𝐤𝐚 𝐭𝐨𝐨𝐥𝐦𝐨𝐨𝐧: Waa inaad la socotaa horayna u waddaa fakarkaaga iyo isla sheekaysigaaga waana hab u baddala aragti arin run ah.

• 𝐀𝐰𝐨𝐨𝐝𝐝𝐚 𝐌𝐚𝐬𝐤𝐚𝐱𝐝𝐚𝐚𝐝𝐚: Waa inaad aqoonsato awoodda ay leedahay maskaxdaada, gaar ahaan awoodeeda gudbinta iyo helidda fikirrada kala duwan, waana in fikradahaas kugu soo dhacaya ama aad dirayso kugu hagaan maskaxaha kale ee caalamka ka jira.