Buuggan waa buug xoogga saaraya xulashada cuntada nafaqada leh, kala caddaynta cuntada rasmiga ah iyo midda la warshadeeyay, iyo bidhaaminta faa’iidada cuntada asalka.
- Cun Cunto Asal, Ha cunin midda la farsameeyay: Qoraagu wuxu ku baaqayaa in qofka caafimaadkiisa danaynaya uu xoogga saaro cuntada dabiiciga ah iyo midda dalagga ah , halkii dooran lahaa midda la warshadeeyay. Tusaale: Dooro Tufaax asal ah, halkii aad dooran lahayd nac nac dhadhan tufaax leh ama cabitaan tufaax loo ekeaysiiyay.
- Iska ilaali Cuntada ka samaysan wax ka badan shan waxyaabood (five ingredients)., kaba fogow cuntadaas haddii waxyaabaha laga sameeyay ay dhowr xabbo yihiin. Tusaale: Dooro Yoogar (Yoghurt) cad oo aan waxba wehelin halkii aad cuni lahayd mid midabbo iyo dhadhano kala duwan leh.
- Ha cunin Cunto aadan mageceeda karin : Haddii aadan mageceeda ku dhawaaqi karin, iska daa maahan cunto jirta. Tusaale: Cuntada ay tusaale ahaan kujiraan kiimi kooyinka ama maaddooyinka sidaan oo kale ah : “hydrogenated polyisobutene” ama “sodium benzoate.” Faraha ka qaad.
- Inta badan wax ka cun Qudaarta caleemaha leh: Cuntada u badan khudaarta caleemaha leh waa mid u fiican caafimaadka iyo deegaanka Tusaale: Mar walba cuntadaada haka mid ahaadaan cuntada cagaaran ee caleemaha leh sida Koostada (spinach) iyo kuwa la midka ah.
- Wax badan bixi, Wax yarna cun: Kharash ku bixi cuntada Tayada sare leh ee nafaqada miiran ah, Tusaale: Gado haddii aad heli karto ukunta ay dhasho doorada loo koriyo sida dabiiciga ah, ee bannaanada furan lagu xanaaneeyo, kana cun tiro aan badnayn.
- Cuntadaada Karso: Cuntada Guriga waxay fursad kuu siinaysaa inaad ogtahay waxay ka kooban tahay iyo xaddigeeda. Tusaale: Samayso maraqa guriga lagu sameeyay ee khudaarta lga sameeyay, halkii aad gadan lahayd maraq qasacad ku jira.
- U cun cuntada si soo jeed leh: Cuntada qorshaysan ee la yaqaano waxay kobcisaa caafimadka maskaxda. Tusaale: U fariiso cuntadada oo si miyir leh u cun, halkii aad cuni lahayd cuntooyin sida jibiska adigoo moobilkaga ama TV-ga isaga mashquulsan.
- Si tartiib ah wax u cun, dadkana wax la cun: cuntada oo si deggen loo cuno isla markaana dadka lala wadaago waxay kor u qaadda dheefshiidka iyo xiriirka bulshada. Tusaale: Halkii aad kaligaa cunto cuni lahayd adigoo TV-ga daawanaya la cuntee xaafadda ama asxaabta.
- Xayaysiinta badan yaysan ku wareerin: Cuntada ay ku jiraan waxyaabaha badan ee laga sameeyay inta badan waa mid aan fiicnayn. Tusaale : Haku dagmin xayaysiinta ku qoran alaabaha dushooda ee ah, wax dufan ah maleh, wax sonkor ah maleh, ayadoo ay sidaa tahay ayay wali caafimaad daro noqon kartaa.
- Cun cunto aad asalkeeda taqaanid: Cuntada aad cunaysid Meesha ay ka timid waa muhiim inaad ogtahay taasi waxay kordhinaysaa wacyigaaga. Tusaale: Malabka ka gado qof deegaanka ah, halkii aad isticmaali lahayd mid lasoo dhoofiyay, yaanyadana haddii aad helayso midda deegaanka ayada isticmaal.
